काठमाडौं । जनता समाजवादी पार्टी नेपालका नेता तथा पूर्व प्रधानमन्त्री डा. बाबुराम भट्टराईले देश गम्भीर संकटको दिशातर्फ जाँदै गरेको बताएका छन् ।
आइतबार महानगरीय प्रहरी परिसर काठमाडौमा डा. सुरेन्द्र यादवको अपहरणसम्बन्धी कसुरमा संलग्नहरुमाथि जाहेरी दिन पुगेका भट्टराईले सञ्चारकर्मीहरुसँग कुरा गर्दै यस्तो बताएका हुन् ।
हामीले प्राप्त गरेका उपलब्धीहरु गुम्दैछन् र राज्यकै अपराधिकरण भैसकेपछि नागरिकको जीवनरक्षा कसरी हुन्छ, यो विषयमा जनतालाई सुसूचित गरिदिन डा। भट्टराईको आग्रह छ । त्यस्तै उनले जाहेरी नलिइकन मुद्दा चलाउन सक्ने भएपनि त्यसो नगरिएको बताए ।
उनले राज्य नै संलग्न भएर अपहरण भएको भन्दै घटना अझ गम्भीर बनेर गएको बताए । उनले ओलीतन्त्रले राज्यको कानुन, संविधान सवै मिचेको भन्दै सवैलाई आतंकित पारेको बताए ।