लोकतन्त्रान्त्रिक मुलुक नेपाल धर्मनिरपेक्ष राष्ट्र हो । यहाँ हरेक धर्मको आस्थाको केन्द्र मठ, मन्दिर, गुम्बा, चर्च र मस्जिद आदी रहेका छन् । नेपालमा सयौंको संख्यामा इसाई धर्मालम्बीको आस्थाको केन्द्र चर्च पनि रहेको छ ।

हरेक चर्चमा इसाईहरु प्रभु येशु क्रिष्टको प्राथना गर्दछन् । तर भारतमा रहेको एक चर्च प्राथनाका अलावा अन्य कारणले परिचित रहेको छ । भारतको गोवामा रहेको ओल्ड गोवा चर्चमा ४ सय ५० वर्षदेखि एक ईसाई सन्तको मृत शरीर (डेड बडी)लाई सजाएर राखिएको छ । मान्यता अनुसार उक्त शवमा कैयौं दिव्य शक्तिहरु समावेश छन् र त्यस शवबाट आज पनि रगत बग्दछ ।

पुरानो गोवामा स्थित बेसिलिका अफ बम जीसस चर्चमा हरेक वर्ष ६–९ फेब्रुअरीमा हुने कार्निवलका अवसरमा हजारौ मानिस आउने गर्दछन् । यस चर्चमा ४५० वर्षदेखि फ्रान्सिस जेवियर नामक ब्यक्तिको शव राखिएको छ । मान्यता अनुसार उनको शवमा आजपनि दिव्य शक्ति रहेको छ जसका कारण यो खराब भएन ।

चीनको यात्राको क्रममा जेवियरको मृत्यु भएको थियो । उनले आफ्नो शवलाई गोवामा नै गाड्न (दफन) इच्छाएका थिए । त्यसैले उनका शिष्यले गोवामा नै उनको शव गाडे । तर केही वर्षपछि रोमबाट आएका केही सन्तको डेलिगेशनले उनका शवलाई बाहिर निकाले । पछि पूनः उनको शव गाडियो । यसरी तीन पटक उनको शव बाहिर निकालियो र अन्ततः त्यस चर्चमा राखियो । एजेन्सी