ओलीको ठाडो आदेशमा रामकुमारीलाई पक्राउ गरियो : प्रचण्ड

२९माघ, काठमाडौं ।  नेपाल कम्युनिष्ट पार्टी (नेकपा) प्रचण्ड समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओलीको ठाडो आदेशमा रामकुमारी झाँक्रीलाई पक्राउ गरिएको बताएका छन्।

बिहीबार आदिवासी जनताजाति मगरसंघ नेपालको पेरिसडाँडामा आयोजित कार्यक्रममा बोल्दै प्रचण्डले राष्ट्रपतिका बारेमा गलत बोल्यो भन्ने नाममा प्रधानमन्त्रीको ठाडो आदेशमा झाँक्रीलाई पक्राउ गरिएको बताए।

उनले भने, ‘रामकुमारी झाँक्रीलाई प्रहरीले हिजोदेखि पक्राउ गर्न बल गरेको थियो। तथाकथित राष्ट्रपतिका बारेमा गलत बोल्यो भन्ने नाममा प्रधानमन्त्रीको ठाडो आदेशमा पुलिसलाई जसरी पनि पक्राउ गर्नुपर्छ भन्ने थियो।

हामीले रोक्न बल गर्‍यौं हिजो बेलुकासम्म पनि। अहिले भर्खर जबरजस्ती पक्राउ गरेर लगेका छन्। कम्युनिस्ट पार्टीप्रति हमला भएको छ।’

प्रकाशित मिति : २०७७ माघ २९ गते बिहिवार
प्रतिक्रिया दिनुहोस