३ फागुन, काठमाडौं । प्रधानमन्त्री केपी शर्मा ओलीले सरकारको तीन वर्षे कार्यकालको समीक्षा गर्दै शिक्षा क्षेत्रमा उल्लेखनीय सुधार भएको बताएका छन् ।
आज सरकार गठन भएको ३ बर्ष पूरा भएको अवसरमा बोल्दै ओलीले तीन वर्षमा विद्यालय तहको भर्ना दरमा उल्लेख्य सुधार आएको बताए ।
उनले भने, ‘शिक्षाको सन्दर्भमा मैले गत बर्ष संयुक्त राष्ट्रसंघीय बालकोष ९युनिसेफ०को विश्व प्रतिवेदन–‘अ वर्ल्ड रेडी टु लर्न’ लाई उल्लेख गरेको थिएँ ।’
प्रतिवेदनमा सन् २००० पछिका १७ बर्षहरुमा नेपालको विद्यालय भर्नादर १२ प्रतिशतबाट ८६ प्रतिशत पुगेको भनी प्रशंसा गरिएको छ ।
त्यस्तै तीन वर्षमा आधारभूत तहको खुद भर्ना दर बढेर ९२।३ प्रतिशतबाट ९३।४ प्रतिशत पुगेको र माध्यमिक तह ९९देखि १२० को खुद भर्नादर ४३।९ बाट बढेर ४७।६ प्रतिशत पुगेको पनि उनले जनाए ।
६ वर्ष माथिको साक्षरता प्रतिशत ७८ बाट बढेर ८५ हुनु उपलब्धिमूलक भएको जनाउँदै उनले २ सय ९२ स्थानीय तहमा सीटीईभीटी अन्तर्गतका प्राविधिक शिक्षालय सञ्चालित भएको जानकारी दिए ।
साथै उनले उक्त शिक्षालयबाट ६५ हजार ४ सय ४० जनाले व्यवसायिक तालिम लिएको र प्राविधिक शिक्षालयको संख्या पनि बढेर ५ सय ७० बाट १ हजार ४२ पुगेको जानकारी दिए ।
त्यस्तै निर्माणधीन ७ हजार ५५३ मध्ये ६ हजार ८५ विद्यालय भवनको निर्माण सम्पन्न भएको उनले जानकारी दिए । उनले भने, ‘नेपालको सबैभन्दा पुरानो दरबार हाइस्कूलको पनि पुनर्निर्माण कार्य पनि यही अवधिमा सम्पन्न भएको छ ।’
