१६वैशाख, रोल्पा । कोरोना संक्रमणको जोखिम देखिएको भन्दै पूर्वी रोल्पाको मुख्य बजार क्षेत्रमा निषेधाज्ञा लागु गर्न वा सिल गर्न सिफारिस गरिएको छ ।
पूर्वी रोल्पाको नाका पर्ने सुनिलस्मृति गाउँपालिकाको खुंग्रीका साथै सुलिचौर र रुइनिवाङ बजार क्षेत्रमा निधेषाज्ञा लागु गर्न गाउँपालिकाको कार्यालय र स्थानीय प्रशासनलाई सिफारिस गरिएको हो ।
सुनिलस्मृति गाउँपालिका वडा नम्बर ४ का अध्यक्ष गञ्जबहादुर क्षेत्रीले कोरोनाको जोखिम देखिएको भन्दै वैशाख ३१ गतेसम्म निधेषाज्ञा लागु गर्न वा सिल गर्न गाउँपालिकाको कार्यालय र जिल्ला प्रशासन कार्यालयलाई सिफारिस गरिएको जानकारी दिए ।
प्रकाशित मिति : २०७८ बैशाख १६ गते बिहिवार
