३२साउन, रोल्पा । रोल्पामा खोलाले बगाउँदा एक महिला बेपत्ता भएकी छन्। जिल्लाको गंगादेव गाउँपालिका वडा नं.२ सुखाओडार बजारबाट घर फर्कन लागेकी ६५ वर्षीया तुलसी कामीलाई सुखाओडार खोलाले बगाउँदा बेपत्ता भएको प्रहरी बताएको छ ।
बिहीबार साझ करिब ८ बजेतिर सुखाओडार बजारबाट घर फर्कने क्रममा गोरेटो बाटोबाट लडेर सुख्खाओडार खोलमा खस्दा उनलाई खोलाले बगाई बेपत्ता भएको जिल्ला प्रहरी कार्यालय रोल्पाका प्रवक्ता प्रहरी निरीक्षक केशवराज बराकोटीले बताए।
उनको स्थानीय र इलाका प्रहरी कार्यालय जिनाबाङ र घर्तीगाउँले खोजी गरि रहेको प्रहरीले जनाएको छ ।
प्रकाशित मिति : २०८१ साउन ३२ गते शुक्रवार
