१० साउन, रोल्पा। माध्यमिक शिक्षा परीक्षा (एसईई)मा रोल्पा जिल्लाबाट सबैभन्दा बढी जीपीए लिएकी विद्यार्थी पूजा थापालाई ५० हजार बढी नगद पुरस्कार प्रदान गरीएको छ।
सत्प्रयास समूह रोल्पाले पूजालाई नगद ५० हजार ५ रुपैँया सहित सम्मान तथा पुरस्कार प्रदान गरेको हो। बालकल्याण माध्यमिक विद्यालय लिबाङकी पुजाले २०८१ एसईईमा ३.९१ जिपिए प्राप्त गरी रोल्पा जिल्लामै पहिलो भएकी थिइन।
रोल्पा नगरपालिका ४ की पूजाले पुरस्कार हुँदै सफलता प्राप्त गर्नका लागि निश्चित लक्ष्य राख्नु पर्ने बताएकी छन्। ‘मेहनतले प्राप्त भएको एसइइको नतिजाबाट म सन्तुष्ट छु’ उनले भनिन। पूजाले प्राप्त गरेको पुरस्कारको २० प्रतिशत रकम बाल कल्याण मावि लिबाङको बाल क्लबलाई हस्तान्तरण गरेकी थिइन।
पुजालाई लुम्बिनी प्रदेशका सांसद् दिपेन्द्रकुमार पुनले प्रमाण पत्र र नगद रकम प्रदान गरी पुरस्कृत तथा सम्मानित गरेका थिए ।
