डबका

श्रीमतीले डबका नखा भन्छ 
भट्टीवालीले लखा भन्छ 
मैले पनि साथीलाई त खा भन्छु
साथीले पनि मलाई त खा भन्छ
अब आफै भन्नुस् म के गरु ?

फालौँ भने अन्नले
सराप्ला भन्ने लाग्छ 
खाऊ भने श्रीमतीले आफैलाई 
सराप्ला जस्तो लाग्छ 
नखाऊ साथी रिसाउँछ
खाऊ श्रीमती रिसाउँछ 
अब आफै भन्नुस् म के गरु ?

म ठूलो धर्मसङ्कटमा परेको छु
श्रीमतीले भनेको नमानौं 
आफैले बिहे गरेको श्रीमती हो 
साथीले भनेको नमानौं
सुखदुःखमा काम लाग्ने साथी हो  
अब आफै भन्नुहोस् म के गरु ?

श्रीमतीले कि मलाई छोड
कि डबका छोड भनेको छ 
न म श्रीमती छोड्न सक्छु 
न डबका नै छोड्न सक्छु 
अब आफै भन्नुस् म के गरु ?

मैले डबका छोडे 
साथीले मेरो साथ छोड्छ
डबका नछोडे 
श्रीमतीले मलाई छोड्छ 
अब आफै भन्नुस् म के गरु ?

न म श्रीमतीबाट टाढा हुनसछु
न साथीहरूलाई गुमाउन, 
अरुको चित्त बुझाउन 
आफ्नो चित्त दुखाउनु परेकोछ 
अब आफै भन्नुस् म के गरू ?

सिंगो मैन बत्ती 
अरुको चित्त बुझाउन बलेको नाटक गर्छ 
सिङ्गो मलाई अरुको चित्त बुझाउन
खाए नि नखाएको नाटक गर्नुपर्छ 

आज मैले डबका खान्छु
भोलि डबकाले मलाई खान सक्छ
त्यो बेला न कसैले मलाई 
नखा भन्ने छ 
न कसैले खा भन्ने छ 
त्यसपछि सदाको लागी 
मैले डबका छोड्ने छु

डबकाले मलाई छोड्ने छ 
मैले दुनियाँ छोड्नेछु 
अनि दुनियाँले मलाई छोड्ने छ 
त्यसैले आजैदेखि डबका छोड्ने 
निर्णय गरेको छु 
र डबका देखि सावधान रहौं ।।