७असोज,काठमाडौं । नेपालसँग जोडिएको कुनै पनि ठाउँमा सीमा विवाद नरहेको चीनले दाबी गरेको छ ।
नेपाली भूमिमा चीनले बनाएको भनिएका भवनहरूको सत्यतथ्य जाँच गर्न नेपाल स्वतन्त्र भएको पनि चीनले जनाएको छ ।
हुम्लाको लाप्चाबगरमा चीनले नेपाली भूमि अतिक्रमण गरेर भवन बनाएको समाचार सार्वजनिक भएको बेला चीनको यस्तो धारणा सार्वजनिक गरेको हो ।
काठमाडौँस्थित चिनियाँ दूतावासले प्रेस विज्ञप्ति जारी गर्दै चीन र नेपालबीच कुनै पनि क्षेत्रीय विवाद नरहेको दावी गरेको हो ।
दुवै पक्षले सधैं सीमाबारे निकट सम्बन्ध बनाएको उल्लेख गर्दै नेपालको सम्प्रभुता र क्षेत्रीय अखण्डताको सम्मान गरेको चीनले जनाएको छ ।
प्रकाशित मिति : २०७७ असोज ७ गते बुधवार
