युरोकप फुटबल : पोर्चुगलमाथि जर्मनीकाे शानदार जित

६असार,काठमाडौँ । युरोकप फुटबलमा पोर्चुगलमाथि जर्मनीले शानदार जित निकालेको छ।

शनिबार राति भएको खेलमा जर्मनीले पोर्चुगललाई ४-२ गोल अन्तरले पराजित गर्दै शानदार जित निकालेको हो।

जर्मनीलाई जित दिलाउन काइ हाभर्टेज र रोबिन गोसेन्सले एक एक गोल गरे भने दुई गोल आत्मघाती पाएको थियो। पोर्चुगलका डिफेन्डरद्वय रुबेन डियास र राफायल गुइरेरोले आत्मघाती गोल गरेका थिए।

यस्तै पोर्चुगलका लागि कप्तान क्रिस्टियानो रोनाल्डो र डिएगो जोटाले एक एक गोल फर्काएका थिए।

प्रकाशित मिति : २०७८ असार ६ गते आइतवार
प्रतिक्रिया दिनुहोस