बदनाम रत्नपार्क

आवश्यकताहरूको बजार 
ओहोरदोहोर नजर हजार
प्यास अतृप्त छ सरकार
घरै खायो आउन्न ढकार

बदनाम रत्नपार्कको घुम्टो
उघार्न गाड्दै चुरोटको ठुटो
समाएर पन्जा भरिको चुल्ठो
मस्त छ बडो अधवैँसे ठिटो 

रासलीला पचाएर रातभरि
चिथोर्दै कोपर्दै सुन्दर नगरी
उस्तै असन्तुष्टिका डामहरू
लिलाम चोखो प्रेमको नामहरू

उस्ले नटेक्दा रत्नपार्क 
एउटा झिलमिल शहर 
बिक्यो बदनाम रत्नपार्क 
बाध्यता र पुरा गर्न रहर
पुरूष जो सफा बन्दैछ
बदनाम रत्नपार्क भन्दैछ
आफै रातको मिनेट गन्दै छ
रात सकिदाँ पछुतो माग्दैछ

नुहाएर चट्ट कमिज सेतो भिरी
बदनाम रत्नपार्कको झ्याँउकिरी 
गर्दैछ उसैले ठुलो खबरदारी 
मात्र बदनाम रत्नपार्कको नारी